港式台牌
約朋友實戰前，先自己練熟一鋪。香港人打嘅十六張麻雀：唔係台灣十六張，台灣計「台」，港式台牌計「番」；清一色喺呢度係 80 番，冇上限。
唔使等三缺一
同三個電腦對手打一鋪；出牌提示會講建議打邊隻、叫緊邊幾隻，同埋點解。
番數唔使靠估
食糊後逐條列出番種同番數，亦可以用計番機砌一副牌即刻查。
一個房號，朋友入枱
想同朋友打就開房；未夠四個人，電腦可以補位。單人玩唔使登入。
練熟先，約人再打
呢個 app 唔係代你打牌：佢畀你一個冇壓力嘅地方，先練出牌、睇明番數，再同朋友坐低打真枱。想考朋友？將呢頁傳畀佢，叫佢先同電腦打一鋪。
有咩功能
- 同電腦練 —— 三個電腦對手，難度揀得。
- 同朋友網上開房 —— 一個房號，四個人一齊打，唔夠人電腦補位。
- 出牌提示 —— 建議打邊隻、點解，叫緊邊幾隻、出銃機會大唔大。
- 結算睇得明 —— 每鋪食糊逐條番種列出嚟，連埋點解。
- 番數表係你嘅 —— 一百幾個番種每個改得價、熄得，改成你嗰枱嘅價錢。
- 拉數同找數 —— 港式枱嘅拉劈照計，流水逐筆記低。
- 廣東話報牌 —— 打牌、叫碰叫食都用廣東話讀出嚟，男聲女聲揀得。
- 計番機 —— 將一副牌砌出嚟，即刻計番。
- 入門教學 —— 由一副牌有咩講起，一步步打完一鋪。
單人打牌唔使登入、冇廣告。遊戲入面嘅番同分數全部係分數，冇真錢。