麻雀小氣簿

四種玩法

• 港式台牌 · 助手 —— 你 vs 三家。入番、拉劈、一鍵埋數，幫你睇住自己嗰筆數。
• 港式台牌 · 專業 —— 替全枱記分，自動結算，支援劈半、自摸自動計莊家。
• 香港麻雀（廣東牌） —— 半辣上、辣辣上或者自訂，番數即時計分。
• 跑馬仔 —— 碰、槓、中馬一目了然。

小氣簿

每晚打完寫入小氣簿：幾時同邊個打過、每人幾多分，一睇就知。雀友名單可以重用，唔使次次打字。

幾好用

• 成績出圖、出文字，或者出一段代碼俾朋友匯入。
• 字體大細、深色淺色主題揀得。
• 無登入、無帳戶、無廣告，資料淨係喺你部機。

一晚三鋪：用專業版記一次

以下係喺麻雀小氣簿網頁版真係撳一次嘅畫面。四個人：你、阿明、阿強、阿珍，阿珍做莊。

專業版幾樣要知

• 食出銃唔會自動加莊。莊家要多計嘅番，自己加埋入番數；自摸就會幫你預先填好莊家嗰份（加 1 + 2 × 連莊）。
• 同一家連輸三鋪先彈出找數。之前會一直拉落去，或者等對方反贏時劈半。
• 流局預設過莊，可以喺開局嘅進階設定改。
• 入錯可以撳「還原」退返上一步。

拉數點解係咁計，呢篇有詳細解釋。

想喺手機上面打港式台牌？試下 港式台牌。